Alle her på Bobla...

...altså meg...vil takka Boblelesarane for 2013 og ynskja dåke eit riktig Godt Nytt År i 2014!

Etter å ha hatt eit knippe flotte venninner på Champagnelunsj (som varte til kl. 16.30!) kviler eg no boblene av meg før eg tar ein runde til over grytene for å laga litt mat til kvelden. Blir ei roleg feiring heima med god mat og drikke før vi går over vegen til mor og far for å skyta opp fyrverkeriet.

Eg veit ikkje heilt korleis det blir med Bobla i 2014 - masse innlegg - lite innlegg - eller ingen innlegg, ja, det tar eg som det kjem. Nyttårsforsettet i år trur eg får bli å ikkje ha noko nyttårsforsett :-)

Avslutter året 2013 her på Bobla med eit lite visdomsord ein kan ta med seg på veg inn i 2014:



Ha ei strålande Nyttårsfeiring, folkens!

Tada! I dag gjekk det faktisk an...

...å lufta seg utan badedrakt og symjeføter!

Eg blei lokka med ut på tur med Marita og Kaiser Mio i dag for å gå Postvegen frå Amcarklubben til Langgåt. Ein passeleg liten tur sånn dagen etter å ha vore på kjekk låvefest...

Turfylgjet mitt i dag :-)

 

Og eg som innbilla meg at Postvegen var meir eller mindre flat, men her gjekk det jo både opp og ned - så då blei det jo litt trim utav det og :-)

 

 

Og så gjekk vi mot lyset - vi fekk jo faktisk ein gløtt av SOL på turen :-) Før regndråpane tok over igjen....

 

Eit lite utsiktsbilete frå Postvegen.

 

Vi toler eit til - sjå små gløtt av sol og blå himmel, hadde nesten gløymt korleis det ser ut...

 

Fin liten søndagstur dette :-)





 



Jula går no sin skeive gang...

...her på bobla. Må seia eg er rimeleg lei av dette juleveret vi har fått i år, så då blir det å bruka tida inne til å "trøstespise" ;-)

Nyebilen kom til gards Vetlejulafta - det var stas:

Ikkje noko knussel å kjøpa bil - fekk utlevert både champis og blomar i tillegg + Magnhild stilte med eit musikkinstrument eg ikkje skal våga meg på å stava navnet på her og bles ei flott fanfare :-)

 

Det som er litt dumt med å kjøpa bil i jula er jo at eg ikkje skal så mange plassar, så eg har jo ikkje fått testa den så mykje endan. Men så langt har det gått overraskande greit med automatgir, men digitalt speedometer slit eg litt med :-) Eg skal nok finna utav ting og tang i dette "romskipet" mitt etterkvart - mange knappar og duppedittar som skal utforskast :-)

 

Bortsett frå bil så har eg jo og vore opptatt med å gjera ferdig juleverkstaden min:

 

I år blei det tova/filta julekuler i diverse fargar og størrelsar :-) Det har eg ikkje prøvt før, men det var ganske artig å halda på med.

 

Men det kjekkaste i juleverkstaden i år var å laga "melkekartongar" som eg pakka gåvene inn i:

 

 

 Fann ein mal på små "melkekartongar" på nett, og så var det berre til å finna julemotiv, leika seg i photoshop'en, skriva ut og bretta og lima :-) Dog, ikkje lika lett å finna julepresangar som passa oppi, men det gjekk :-)

 

Tok visst ingen bileter på julafta i år, men det blei både god mat og fine presangar. Eg fekk alt i frå truger, til stavmiksar (2 faktisk) til rosa tøffler. Fekk og ei fin, men skrekkeleg irriterande julepute til sofaen - den har BJELLER - i alle fira hjørner.... Men alt i alt nøgd med alle presangane i år :-)

 

I går var det faktisk OPPLETT ute - så då strauk damene til skogs med sekkane full av gløgg og anna julegodter :-) Sjølvsagt etter mørkets frambrudd :-)

 

 

 Dette var koseleg! Vi tente bål, drakk gløgg og litt champis, åt pepparkaker og brezeln og spela Jentespelet med spørsmål med svar som eg trur skal forbli i skogen... ;-)

 

Når bålet og faklane byrja brenna ut var det på tide å pakka saman og prøva å finna vegen...

 

...heimatt i mørket :-)

 



I dag var det tilbake til drittveret, så bortsett frå ein liten tur til kalkstasjonen og Husnes har eg stort sett sete i ro på rumpen i sofaen - der bli eg resten av kvelden og :-)

 

Ha ei fortsatt god jul, folkens!

 







 

 



Men i alle dagar, kva skjedde..

...i dag eigentleg???

I går kveld sat eg oppe til langt over midnatt - eg hadde jo tatt juleferie og planla og sova leeeeeenge i dag på min fyrste feriedag. Var oppe før kl. 0900 - det er ikkje å sova leeeeeenge i mi verd, men då var eg no utsoven. Eller var eg eigentleg det???

Planen i dag var å vaska og rydda litt til - vi har invitert til juleselskap på søndag, så det er greit å byrja forberedelsane tidleg :-) No er jo ikkje eg så gysla husleg av meg og det skal ikkje mykje til å distrahera meg vekk i frå vaske- og støvkosten - i dag rakk eg ikkje ta dei fram eingong...

Eg har jo no inntatt den moderne tid og fått meg ein tlf. der eg får jobbmailane inn. Drrrr....drrrrr....drrrr...drrrr....- det er jo ingen ute i den store vide verda som bryr seg om at eg har ferie, så mailane dirrra jo inn allereie før eg hadde stått opp. Nyskjerrig som eg er klarar eg jo heller ikkje lavera å lesa dei.....

Rrrrrrring, rrrring, rrrrring... Eller det var jo feil lyd - eg har jo lasta ned kjenningsmelodien til jul i Skomakergata, så det er eigentleg berre koseleg at folk ringer til meg. I dag stod dei litt fast på jobben og trong litt hjelp - nesten før eg var komen utav dusjen....Rrrrrring, rrrrrrinng, så var det mor som minna meg på at ho trong skyss i dag.

Og midt oppi dette så fekk eg brått ein trang til å kjøpa meg ny bil????? Og eg finnes jo ikkje interessert i bil i det heile tatt, så tanken på å oppsøka ein bilbutikk med ein overivrig selgar som skal forklare både det eine og det andre som er heilt gresk for meg, frista ikkje så mykje. Så korleis skal då ein slik person som meg få kjøpt seg ein bil?? Jo, ein må fyrst vita kva ein vil ha - og så skriv ein ei ynskjeliste....som ein sender via chatten på Facebook...til ein person ein reknar med kan ordna dette....

Og det må eg seia, julenissane på Dimmelsvik Bil er jammen svintne med hiva seg rundt, altså! Kanskje eg skal senda ynskjelista mi til dei kvart år?? Det tok ikkje lang tid før dei både hadde funnet bil til meg, ordna lån - og på vetlajulafta kan eg henta det nye gliset heim:

Tada! Har eg brukt for ein slik bil?? Overhovudet ikkje, men er han ikkje fin??? Eg gledar meg stort, men eg litt spent på korleis eg klarar meg med automatgir. Det har eg ikkje køyrt sidan eg dreiv å lærekøyrte på prærien i Kanada for snart 25 år sidan. Det var i dei tider eg framleis ikke visste forskjell på venstre og høgre og at eit stopskilt verkeleg betydde stopp.

 



Ja, det skal eg ha - bil kan eg handla på minuttar, men ny bukse klarer eg ikkje å finna meg...Og akkurat no går det opp for meg at eg faktisk har fri i morgon og...Hjeeeelp.....

Det meste dreier seg om jul...

...no om dagen. Men kor blir det av julestemninga?? Til tross for julepynta hus og at eg er oppteken med juleverkstaden min nesten kvar kveld, så er eg ikkje heilt i "juldemood" enda. Men, eg prøver....

Ein kveld såg eg på Facebookstatusar at folk hadde bake både 7 og 13 kakesortar. Nesten i panikk heiv eg meg over peparkakedeigen (ferdigkjøpt, må eg vedgå) - noko må jo bakast til jul her i huset og... Eg hadde store planar om å pynta desse - den eine flottare enn den andre, men...

 

...så blei eg lokka ut på galeien før eg kom så langt....

 

I gamle dagar gjekk vi på skogen og valgte ut eit, av og til i allefall, fint julatre som vi tok med oss heim. Men etterkvart som åra gjekk og det byrja bli ganske så utplukka i skogen og vanskelegare og vanskelegare å finna eit tre som blei godkjent av juletreinspektøren, var det lika greit å slutta med det. Det er vel igrunnen rart det ikkje skjer fleire "ulykker" når folk med øks og sag går i skogen og skal einast om eit tre er godkjent eller ikkje...

 

Vi har i allefall kutta ut skogsutflukta til fots med ein biltur til Omvikdalen dei siste åra :-)

 

I dag har eg baka julebrød :-) Skikkeleg tunge greier, kunne sikkert slått i hel både det eine og det andre med desse - ser veldig fint ut, men skulle sikkert vore steikt pittelitt lenger. Okkesom...

 

...i kveld blei det julebrød med brunost og gräddost + gløgg til kvelds :-)

 

Ellers litt stusseleg å ikkje måtta baka kaker og forbereda seg til selskap i måro - det er jo det eg plar bruka 17.desember til. I måro fyller guten, utruleg, men sant, heile 17 år. Men i år må han feira dagen på hybelen sin. Men vi skal jo feira litt når han kjem heim på juleferie :-) Og når vi snakkar om juleferie - eg byrjar min i måro ettermiddag :-)

 

Vermeldingane er vel ikkje dei aller beste med tanke på kvit jul i år, men eg klarte no i allfall å fanga litt julestemning med kameraet mitt 6.desember:

 

I motsetnad til Star Tour sine kundar ynskjer eg meg ei kvit jul i år og :-)

 

 

Ha ein fin førjulskveld, folkens :-)

 

 

PS! Det blir ei trist jul for musefamilien på Eik i år - far, den store musefangaren, fann mus nr. 15 denne høsten/vintaren i musefella i kjellaren min i dag.... Det kan umogleg vera mange fleire igjen til å feira jul i år no????

 

 

 



Å jul med din glede...

...og barnlige lyst...

Eg må be om orsak til alle som følte seg forulempa over gårsdagens snøfall. Det er nok vi, Naturbarna, som må ta på oss ansvaret for det. For dei som huskar det så vann vi pepperkakekonkurransen til Spar før jul i fjor og premien var ein stor bag med diverse mat og snacks. No var Ann Irene lei av å måtta flytta på denne bagen kvar gong ho skulle henta noko i fryseboksen sin, difor hadde vi bestemt at årests fyrste julefeiring måtte skje no på laurdag (altså i går). At Vårherre då tilgode såg oss med ein dæsj snø var jo berre på sin plass.

Som seg hør og bør passa det best å feira jul ute i skogen....

....difor la vi i veg langs Fjellandsbø.

 

Det var jo ei lukka for oss at redningstjenesten, politi og div.. var opptatt med redningsoppdrag denne ettermiddagen,

 



ein person hadde vore uheldig å slått seg på veg opp mot Låganåso...

 

Då var det jo fritt leide for oss hardbarka kriminelle til å ta fram fyrstikkene i skogen og..

 

...fyra opp eit bål.

 

 

Nokon må jo grilla pølser på tur okkesom, sjølv om det var...

 

...julegraut som stod på menyen i dag! Sjå her far - stormkjøkenet eg masa meg til i julepresang i forfjor er endeleg tatt i bruk :-)

 

Teamwork - alle måtte ta sin runde med å røra i julegrauten. Ja, bortsett frå ho som var opptatt med å grilla pølser, då..

 

Det gjekk jo som ein leik å laga graut på stormkjøkenet! No når vi har fått gang på det kjem vi nok til å diska opp med både det eine og det andre måltidet utover. Pass opp folkens  - kan henda dåke treff på matstasjonar både hist og pist kor enn dåke måtte gå tur frå no av.

 

Mmmmm.... alle gleda seg til å smaka..

 

3 stolte pepperkakehusvinnarar som endeleg kunne smaka på premien.

 

Tru for all del ikkje at det var kun graut i premiebagen vår..

 



...nei, den var fylt opp med både det eine og det andre. På førehand hadde Ann Irene brukt kokesjokoladeplatene som var med og laga...

 

...deilig kakao. Og når eg var så framsynt at eg hadde tatt med krem, så blei jo det rosina i pølsa! (Veit du kva det ordtaket tyder, Ann Irene?)

 

 

Per Ivar fekk og vera med oss på tur i dag - greit å ha nokon som kan bera ved med seg;-) Eg blei litt forvirra då han brått sa "ta bilete av pelsdyret", så i forfjamselsen...

 

...så gjorde eg akkurat det. (Tok bilete av pelsdyret, altså) (Seinare påstod han og at det var for seint å lata att grinda når dyret var ute, korleis ein no skal tolka det.)

 

Etter å ha kosa oss både vel og lenge med julefeiringa vår vart det dags for å..

 



...puff, pufff, sløkja bålet og viska vekk alle spor etter oss og...

 

...rusla attende same vegen som vi kom.

 

Håpar alle hadde ei like fin julefeiring i går som oss :-)